其他 推薦 遊艇資訊

[離島以外渡假之選] 海上簡約清新船屋體驗

相信唔少打工仔咁努力返工既其中一個原因就係可以搵到錢去旅行, 好好咁放鬆下!

如果想留係香港渡下假但又去厭長洲, 南丫島尼啲離島? 其實香港市區都有好多隱世靚景同正既住宿, 令你可以過一個舒適既staycation! 好似香港仔咁, 自從南港島綫通車之後, 因為去香港仔相對地方便咗好多, 就多左人發現其實香港仔都有好多隱世美食同靚景! 連水上體驗 – 船屋都有, 包你可以享受一個與眾不同既假期!

尼隻全新船屋, 真係名副其實香港既小清新Muji風打卡聖地! 仲要可以係上面開PARTY, 咁就可以真正遠離煩囂! 唔止咁, 係船屋上仲可以食到香港仔獨有同買少見少既艇仔粉!

全新體驗, 快D去試下船屋Staycation! 按此預訂

船屋有咩必做必影?同點樣可以過個最chill既staycation?

小編一於黎個Houseboat體驗實測, 實行試下佢係咪真係咁正!

船屋體驗流程 – 交通方便嗎?

首先船屋停泊在香港仔漁港, 我地需要從附近的鴨脷洲/香港仔碼頭乘坐舢舨到船屋。從鴨脷洲洪聖廟碼頭,步行到利東地鐵站A1出口大概3分鐘(220米)的路程, 所以好容易就會搵到架啦!

我地因為星期六晏就三點就可以上船, 約左船東三點香港仔漁港, 等接駁艇上船屋! 去船屋既船程唔長, 大約5分鐘就到啦, 而每程只需$10-20 HKD, 所以真係好方便!

究竟船屋有幾靚有咩設施?

上到船屋我同朋友第一個反應係: 嘩真係好靚好大, 名副其實既小清新Muji風船屋!

一上到去就見到一個好chill好舒服既露台, 仲有兩張太陽櫈, 啱曬一路睇住日落一路飲杯野!

然後行入船屋就會見到日式既客廳, 真係好寬落, 一大班人係到玩狼人, truth or dare都完全無問題!

大就唔再講, 最重要既係佢既裝修真係好日式, 唔講真係以為自己去咗日本酒店! 按此立即預訂

簡約舒適得黎, 基本上你講得出一般酒店/渡假屋有既野佢都一應俱全!

Wifi, 冷氣機, 基本餐具, 寢具-枕頭被鋪, 電磁爐及煲, 電視都有提供, 咁大家可以煮下野食, 試下做一個真正既水上人!

小編推薦 – 超無印風打卡位!!

我自己私心推介客廳一個打卡位, 真係超日式超文青風, 真係唔同人講你係香港既話, 啲人好可能會覺得你去咗日本旅行!

成間船屋有3層樓既起居空間, 仲有4間帶門既臥室, (主臥室配有特大號床、三間臥室配有單人床), 同2間浴室, 真係超寬敞超舒服!

大部分房都見到出面既海灣, 真係好relaxing好舒服! 而且佢啲房都一樣採用日式既設計, 所以成間船屋都好簡約, 一啲都唔浮誇!

另一方面, 小編都知船屋可能對咁多位黎講都係一個比較新既船隻種類, 所以可能會對船屋有一啲疑問! 但係唔洗驚, 小編為大家準備咗一啲上船屋同於生活係船上既常見問題, 希望幫到咁多位!

船屋Q&A:

Q: 船屋會不會好搖好暈? 會不會不舒服?

A: 其實我自己親身試過之後發現一啲都唔暈,唔難適應, 架船只會係其他船隻經過時,因為會有一定數量的海浪,所以會時不時感受到輕微搖擺。 但係其實船屋停泊既位置,有減低波浪的作用, 所以大部分時間都係好穩定,所以唔洗擔心!

Q: 船屋上面有咩做?

A: 有得煮野食啦, 同睇下netflix睇下戲, 仲可以睇日落日出, 因為係海上面睇同平時睇到既一定唔同! 但其實上船屋其中一個最大既目的就係想休息下, 遠離煩囂嘛! 所以係一個咁舒適既環境下, 聽住海浪聲hea下都真係好唔錯架!

附近有咩做有咩玩? 可以參考小編香港仔必玩必食推介

Q: 咁如果中途我想返上岸, 或者食野既話, 有無客房服務同舢舨接我走架?

A: 當然有啦, 個次我都突然醒起有啲野要買, 所以即刻打資訊包入面既舢舨號碼, 就好快有舢舨黎接我地啦!而客房服務黎講呢, 資訊包上有電話號碼,你可以通過電話或短訊隨時有專人從岸上運送食物,啤酒或任何必需品,只需比服務費就ok啦! 

Q: 係船上面既電力同水充足? 

A: 梗係充足啦! 小編經過尼次體驗之後, 覺得船屋上面既水電同平時無咩分別, 因為船屋有24小時來自岸邊既水同電力, 同平時係屋企真係無分別!

香港仔獨家地道艇仔粉

不過上得香港仔船屋, 又點少得食香港仔獨有既艇仔粉呢? 要知道香港仔既艇仔粉已經買少見少, 以我所知好似得返兩間船有做架渣!

而貼心既屋主因為有其中一架艇仔粉既聯絡方法, 所以所有上船屋既人只要同屋主講, 都可以試到尼個香港仔獨有既食品! 小編親身試過, 真係好驚喜! 艇仔粉既伯伯好好人咁比咗好多料我地, 有雞脾, 魚蛋, 豬頸肉, 叉燒, 紅腸, 生菜, 燒鵝等等, 真係好好食! 絕對值得一試! 想知更多關於艇仔粉既資訊, 可以按此查詢

睇到尼到係咪心思思好想試尼架全新文青風船屋呢? 快啲預訂, 搶先試玩啦! 👉 按此搶先預訂

船屋唔啱你心水? 我地都有好多唔同既船隻適合玩唔同種類既船P! 👉 按此了解更多

You Might Also Like