其他 推薦 水上活動 租船Tips

快艇滑水格價無難度 – 一分鐘睇曬wakeboard/wakesurf價錢

香港快艇滑水格價 Check期攻略

話咁快又到暑假啦, 換句話講姐係又到咗滑水既好時機啦! 不過有咁多唔同既快艇同滑水服務, 要慢慢比較揾船都好費時, 點樣先可以用最少時間就book到心水快艇呢?拿拿臨1分鐘速讀呢篇book快艇教學!包你一分鐘就揾到心水快艇出海滑水!


如果係想book船開船P既話, 可以參考我地另一篇船P格價功略! 按此了解更多

如果係想知邊種滑水比較適合自己/初學者, 可以參考我地既滑水攻略! 按此了解更多


STEP 1: 即上官網搜尋租快艇滑水服務

Search Engine 第一個選項就係租船服務選項, 有精選套餐日間遊船河夜釣墨魚晚間派對Wakeboard Wakesurf 水上電單車 FlyboardJet Ski Flyboard限定優惠套餐維港煙花商務接待婚禮團隊活動週年晚宴遊艇自由行觀賽服務DJ派對!

既然我地已經鎖定目標係要去滑水既話, 就直接揀Wakeboard Wakesurf 水上電單車 Flyboard就得啦!

STEP 2: 揀返人數同日期﹐再Click「搜尋」

系統會因應你輸入既資料篩選番符合你要求嘅快艇,搜尋結果已經直接顯示出當日尚可出租嘅快艇服務。

你可以即時睇到每隻船既靚仔樣同埋客人評分。而相下面會補充埋每隻船有咩主要設施、包唔包水上活動, 同埋包無繩定有繩滑水等等!最重要嘅係可以出埋當日嘅租船價錢!

注意! 係船隻種類揀埋你需要既快艇/滑水服務咁就無死啦!

STEP 3: 進入快艇頁面,詳細wakeboard/wakesurf價錢!

在Search Result 按圖進入船隻服務頁面,即可查閱價錢詳情, 同人均收費

格價小TIPS:由於上船日期會直接影響船隻嘅出租價錢,所以相同人數同一隻船係唔同日子都有唔同嘅收費,一般星期六/日嘅快艇滑水都會比較貴。For Example,上面2張圖顯示左7月17日(星期三)同7月21日(星期日)同一隻快艇嘅滑水價錢計算器。當係星期日嘅時候,價錢就會係$1800, 由於GA01W 星期六日的收費是6人或以下$1800, 而星期五既收費是6人或以下$1600, 所以大家可以因應你地既需要去book唔同日子既快艇滑水啦!

當然每隻船所包嘅服務都唔一樣,例如部份快艇價錢除咗包無繩/有繩滑水,仲包其他水上活動, 如香蕉船等等, 部份就要另外加錢先會有! 仲有D就包超專業滑水教練,有D就包富有滑水經驗既船家,有D係跟大船出海, 所以用埋以下呢個搜尋功能就最幫到你!

STEP 4: 善用「次序 」功能去縮小範圍

喺搜尋介面上面有「次序」功能,你唔係唔㩒下化 ?
我諗over 70% 人嘅手勢都係會較返最低價優先吧!

搜尋出黎嘅第一隻船只要$1100咋!姐係每個人俾$220起就可以出海滑水啦!拿拿臨租一隻去滑水啦!

STEP 5: 揀選心水快艇,細閱介紹及守則

要留意的資料有很多,不過最主要比較的還是免費水上活動、價錢上落碼頭及海灣

注意! 有啲快艇只會去某幾個海灣, 而唔係每個西貢海灣都去架! 如果想去啲遠啲既海灣, 記得先問同睇清楚洗唔洗額外加錢, 如果唔係就搵黎搞啦!

留意返! 係西貢滑水通常都係早禾坑, 因為船程較短, 咁相對可以用黎滑水既時間就會較長啦!

同埋如果想玩耐啲既話都可以係右手邊剔番你需要嘅額外租賃時數! 咁就玩得更加開心同盡興啦!

仲有好緊要既! 就係一定要睇清楚取消政策惡劣天氣安排! 因為始終滑水都係一樣好睇天氣既活動, 所以睇清楚就唔驚到時會唔知點算啦!

STEP 6 : 揀選滑水時間 (全新即時預訂系統)

揀完心水快艇之後, 緊係要揀埋幾時出海滑水啦! 隆重介紹全港唯一滑水即時預訂系統, 一眼就可以快速睇曬邊啲日子同時間仲有快艇可以租黎滑水, 快捷又方便!

留意返! 而家部分船隻已經開始使用全新即時預訂系統, 而其他船隻都會陸續投入尼項全新功能! 大家可以拭目以待!

從以上圖片所見, 全新既即時預訂系統會出現係時間表一欄到, 灰色既檔期代表已經租出, 而綠色既檔期就代表可租用! 咁大家就可以一眼睇曬邊啲時間係仲有空缺, 就更加方便啦!

如果以8月3日做例子, 從圖片可見只係剩餘09:00-10:00, 10:00-11:00, 13:00-14:00可租用時段! 但由於滑水最少需要租用2小時或以上, 所以系統會自動幫你揀選09:00-11:00既時段, 咁就更加方便快捷啦!

如果以7月31日黎做例子既話, 因為從即時預訂系統可以睇到當日所有船期都係可以租用, 所以大家就可以選擇一個最啱你既上船時間啦! 不過都係個句啦, 滑水最少需要預訂2小時或以上, 所以要留意返啊!

STEP 7 : 支付留快艇訂金

揀好曬所有服務同時間之後, 就正式踏入比錢既步驟啦! 而船家收到你嘅預訂之後,會先Double Confirm 船期(避免雙重預訂),然後就會喺短時間之內向你發出確認電郵。收到電郵起計24小時之內依照付款指引做番轉賬就得喇!

注意! 係最後比錢既步驟記得記得check清楚究竟係揀左wakeboard定wakesurf!
因為如果揀錯左去到滑水個日先發現咁就太遲啦!

提交埋你既預訂就可以確認訂單, 然後完成你既訂購過程啦!

睇到尼到係咪覺得book船滑水比想像中簡單呢? 快啲上我地網站搵最適合你既船, 然後去滑水啦! 按此查詢

想知初學者應該玩有繩定無繩滑水? 即睇新手滑水教學

想知有繩滑水定無繩滑水更加適合我? 可以參考滑水小知識!

You Might Also Like

No Comments

    Leave a Reply